روپے کے مقابلے میں ڈالر کی قیمت میں مسلسل گراوٹ

کاروباری ہفتے کے پہلے دن انٹر بینک اور اوپن مارکیٹ میں روپے کے مقابلے میں ڈالر کی قدر میں گراوٹ کا سلسلہ جاری رہا۔

اسٹیٹ بینک کی جانب سے جاری اعدادوشمار کے مطابق انٹر بینک میں ڈالر 90پیسے سستا  296.85 روپے سے کم ہوکر 295.95 روپے پر بند ہوا۔جبکہ اوپن مارکیٹ میں کاروبار کے اختتام پر ڈالر 3 روپے سستا ڈالر 294 روپے پر بند ہوا ۔

پاکستان اسٹاک ایکسچینج میں کاروبار کے اختتام پر مارکیٹ 49 پوائنٹس کے اضافے سے 45 ہزار 803 پوائنٹس پر بند ہوئی ۔دن بھر مجموعی طور پر 307 کمپنیوں کے شیئرز میں کاروبار ہوا ۔133 کمپنیوں کے شیئرز کی قیمتوں میں اضافہ جبکہ 144 کے شیئرز میں کمی ہوئی ۔مارکیٹ کی بلند ترین سطح 45,907 جبکہ کم ترین سطح 45,662 رہی