شیخ رشید کی گرفتاری کے خلاف لاہور ہائی کورٹ راولپنڈی بنچ میں درخواست دائر

عوامی مسلم لیگ کے سربراہ اور سابق وفاقی وزیر داخلہ شیخ رشید کی گرفتاری کے خلاف لاہور ہائی کورٹ راولپنڈی بنچ میں درخواست دائر کر دی گئی۔

درخواست میں آئی جی پنجاب، سی پی او، ایس ایس پی آپریشنز و دیگر کو فریق بنایا گیا ہے اور کہا گیا ہے کہ شیخ رشید کوایس ایس پی آپریشنز نےنجی ہاؤسنگ سوسائٹی سے اٹھایا۔

درخواست میں مؤقف پیش کیا گیا کہ شیخ رشید کو ان کے بھتیجے شیخ شاکر، شیخ عمران ڈرائیور سجاد سمیت اٹھایا گیا، جبکہ شیخ رشید پر کسی قسم کا کوئی مقدمہ درج نہیں ہے۔

درخواست میں استدعا کی گئی ہے کہ ایس ایس پی آپریشنز نے شیخ رشید کو غیر قانونی طور پر گھر سے حراست میں لیا، ہم کل سے راولپنڈی پولیس سے پوچھ رہے ہیں مگر کوئی مناسب جواب نہیں دیا جا رہا، عدالت پولیس کو شیخ رشید کو پیش کرنے کے حوالے سے پابند کرے