پی ٹی آئی کے گرفتار رہنما عباد فاروق کا بیٹا انتقال کر گیا

تحریک انصاف کے گرفتار رہنما میاں عباد فاروق کا کم سن بیٹا عمار انتقال کرگیا۔ پاکستان تحریک انصاف کی جانب سے کم سن عمار کی رحلت پر نہایت رنج اور دکھ کا اظہار کیا گیا

عباد فاروق کے بھائی کا کہنا ہے کہ ان کا 9 سالہ بھتیجا اپنے والد کی گرفتاری پر ذہنی مرض میں مبتلا ہوکر جاں بحق ہوا۔

إِنَّا ِلِلَّٰهِ وَإِنَّا إِلَيْهِ رَاجِعُونَ
رہنما تحریک انصاف میاں عباد فاروق جو کہ گزشتہ 134 دنوں سے زیر حراست ہیں کا 9 سالہ بیٹا عمار جو اپنے والد، دادی کی گرفتاری، ہر روز اپنے گھر پر چھاپوں، توڑ پھوڑ، خوف و ہراس کی وجہ سے وینٹی لیٹر پر پہنچ چکا تھا، جس کو ریاستی پریشر کی… pic.twitter.com/irlk34I49M

— PTI (@PTIofficial) September 18, 2023

انہوں نے بتایا کہ عمار عباد ذہنی مرض میں مبتلا ہوکر والد کی یاد میں روتا رہتا تھا۔ بچے کا نماز جنازہ آج رات قبرستان منشی ہسپتال لاہور میں ادا کی جائے گی۔ قبل ازیں عباد فاروق نے جیل سے عمار کی ہمت بندھائی تھی اور پریشان نہ ہونے کا پیغام دیا تھا۔

واضح رہے کہ پی پی 149 سے پی ٹی آئی کے ٹکٹ ہولڈرعباد فاروق نو مئی واقعہ کیس میں جیل میں بند ہیں۔