نوازشریف کی وطن واپسی کی تیاری ، شہباز شریف لندن سے پاکستان روانہ

لاہور: سابق وزیراعظم شہباز شریف لندن برطانیہ میں ایک ماہ گزارنے کے بعد پیر کو پاکستان روانہ ہوگئے۔ لندن میں قیام کے دوران شہباز شریف نے نواز شریف سے متعدد ملاقاتیں کیں۔  

پاکستان مسلم لیگ (ن) کے سربراہ نواز شریف 21 اکتوبر کو پاکستان واپس پہنچیں گے۔ پی ایم ایل این کی چیف آرگنائزر مریم نواز شریف کے وعدے کے مطابق عوام کا ٹھاٹھیں مارتا ہوا سمندر سابق وزیراعظم کا وطن واپسی پر استقبال کرے گا۔

پارٹی ہدایات کے مطابق سابق وزیراعلیٰ پنجاب حمزہ شہباز شریف پہلے ہی لاہور واپس پہنچ چکے ہیں۔ حال ہی میں حمزہ شہباز اور مریم نواز نے آئندہ عام انتخابات کے لیے نوجوانوں کو متحرک کرنے کے لیے یوتھ کنونشن کی مشترکہ صدارت کی۔ 

اس سے قبل سابق وزیراعظم شہباز شریف نے منگل کو تصدیق کی تھی کہ پاکستان مسلم لیگ ن کے سربراہ نواز شریف 21 اکتوبر کو پاکستان واپس آئیں گے۔ 

 تفصیلات کے مطابق نواز شریف کی پاکستان آمد پر ان کا شاندار استقبال کیا جائے گا، شہباز شریف نواز شریف کی زیر صدارت پارٹی اجلاس میں فیصلہ کیا گیا جو لندن میں منعقد ہوا۔ 

مسلم لیگ ن کی رہنما مریم اورنگزیب نے ٹوئٹر پر کہا کہ نواز شریف 21 اکتوبر کو پاکستان آئیں گے۔ پاکستان مسلم لیگ نواز (پی ایم ایل این) کے رہنما اسحاق ڈار نے جمعہ کو کہا کہ پی ایم ایل این کے سپریمو نواز شریف اکتوبر کے وسط میں پاکستان واپس آئیں گے۔