سعودی عرب کی مسجد الاقصیٰ اسرائیلی انتہا پسندوں کی زبردستی داخلے پر مذمت

سعودی عرب نے مسجد الاقصیٰ پر قابض اسرائیلی فورسز کی سرپرستی میں انتہا پسندوں کے زبردستی داخلے کی مذمت کرتے ہوئے اپنا احتجاج ریکارڈ کروایا ہے۔سعودی خبررساں ادارے نے وزارت خارجہ کے بیان کے حوالے سے بتایا کہ ایسے اقدامات تمام بین الاقوامی قوائد و ضوابط کی کھلی خلاف ورزی ہیں اور ان سے تمام عالم اسلام کے جذبات کو ٹھیس پہنچائی جاتی ہے۔

سعودی وزارت خارجہ نے قابض اسرائیلی فورسز کو ان خلاف ورزیوں کے نتیجے میں پیدا ہونے والی صورتحال کا ذمہ دار قرار دیتے ہوئے عالمی برادری پر زور دیا کہ قابض اسرائیل کی بڑھتی ہوئی کارروائیوں کے خاتمے کے لئے اپنا کردار ادا کرے۔بیان میں کہا گیا ہےکہ عالمی برادری فلسطینی شہریوں کے تحفظ اور اس تنازعے کے خاتمے کے لئے تمام ضروری اقدامات اٹھائے