لاہور : بھارتی سپریم کورٹ کے فیصلے پر شہباز شریف نےسخت رد عمل کا اظہارکیا ہے ۔

انہوں نے کہا کہ بھارتی سپریم کورٹ نے لاکھوں کشمیریوں کے خون کے ساتھ غداری کی ہے ۔

شہباز شریف نے کہا کہ بھارتی سپریم کورٹ کے اس متعصبانہ فیصلے  سے تحریک آزادی کشمیر مزید مضبوط ہوجائے گی ۔

بھارتی سپریم کورٹ فیصلے پر شہباز شریف کا سخت ردعمل!#GNN_Updates #GNN #BreakingNews #NewsUpdates pic.twitter.com/jzHkA23NNH

— GNN (@gnnhdofficial) December 11, 2023

انہوں نے کہا کہ یہ فیصلہ بھارتی سپریم کورٹ کے ماتھے پر انصاف کےخون کی پہچان کے طور پر دیکھا جائے گا یہ فیصلہ کبھی بھی سپریم کورٹ کو انصاف نہیں کر نے دے گا انہوں نے کہا کہ اس فیصلے کو آئینی قرار دے کر انڈیا  نے اپنے انصاف کا معیار پوری دنیا کے سامنے ظاہر کر دیا ہے ۔

نگران وزیراعظم انوار الحق کاکڑ نے  وزارت داخلہ میں نئے ویزا نظام کا افتتاح کر دیا۔ وزارت داخلہ کے حکام نے وزیراعظم کو نئے ویزا نظام کے بارے میں آگاہ کیا۔

وزیراعظم کو بتایا گیا کہ نئے ویزا نظام کے تحت بزنس مینوں کو کم سے کم وقت میں ویزوں کا اجراء کیا جائے گا اور اس مقصد کے لئے کم سے کم دستاویزات درکار ہوں گی۔

ویزوں کے اجراء کے عمل کو آسان بنایا گیا ہے تاکہ ملک میں سرمایہ کاری اور کاروبار کو فروغ ملے۔

وزیراعظم نے وزارت داخلہ کی طرف سے نئے ویزا نظام کو خوش آئند قرار دیتے ہوئے کہا کہ اس سے کاروبار اور سرمایہ کاری کو فروغ ملے گا۔

وزیراعظم نے وزارت داخلہ میں میڈیا سنٹر کا بھی افتتاح کیا۔ وزیر داخلہ نے اس موقع پر بتایا کہ نادرا کے تعاون سے وزارت داخلہ میں میڈیا سنٹر کا قیام عمل میں لایا گیا ہے۔

اسلام آباد: نگراں وزیر داخلہ سرفراز بگٹی نے دہشت گردی کی لعنت کے خاتمے کے لیے پاکستان کے پختہ عزم کا اعادہ کیا ہے۔

پیر کو اسلام آباد میں پولیس لائنز میں ایک تقریب سے خطاب کرتے ہوئے انہوں نے کہا  کہ ہمیں اس دہشتگردی کی  لعنت کا اجتماعی اور مستقل مزاجی سے مقابلہ کرنا ہے،انہوں نے کہا کہ پاکستان ہی اس جنگ میں فاتح ہوگا۔

ملک کے قیام کے بعد سے ہی اس کے خلاف رچی جانے والی سازشوں کا ذکر کرتے ہوئے وزیر داخلہ نے ان سازشوں کو ناکام بنانے کے لیے سیکیورٹی فورسز کی جانب سے دی گئی بے مثال قربانیوں کو اجاگر کیا۔

انہوں نے کہا کہ ان بہادر افراد نے ہمارے بہتر مستقبل کے لیے اپنی جانوں کا نذرانہ پیش کیا اورکہا  کہ ان کی خدمات کو ہمیشہ سنہرے الفاظ میں یاد رکھا جائے گا۔