انسداد دہشت گردی عدالت نے پی ٹی آئی کارکن صنم جاوید کو رہا کرنے کا حکم دے دیا

لاہور: انسداد دہشت گردی کی عدالت (اے ٹی سی) نے ہفتہ کو جناح ہاؤس حملہ کیس میں پاکستان تحریک انصاف (پی ٹی آئی) کی کارکن صنم جاوید خان سمیت دیگر پارٹی رہنماؤں کی رہائی کے احکامات جاری کردیے۔

 عدالت نے درخواست گزاروں کو 100,000 روپے بطور ضمانتی مچلکے جمع کرانے کی ہدایت کی۔ روبینہ جمیل اور افشاں طارق کی بھی عدالت نے ضمانت منظور کر لی۔ شاہ بانو اور فیصل اختر کی بھی ضمانتیں ہو گئیں۔

اس سے قبل صنم جاوید خان اور پی ٹی آئی کی دیگر 12 خواتین رہنماؤں کو اسی کیس کے سلسلے میں جسمانی ریمانڈ پر رکھا گیا تھا۔ عدالت نے پی ٹی آئی کی سابق ایم این اے عالیہ حمزہ اور دیگر خواتین کارکنوں بشمول خدیجہ شاہ، صنم جاوید خان اور دیگر کو بھی جناح ہاؤس حملہ کیس میں مبینہ طور پر ملوث ہونے کے الزام میں 5 روزہ جسمانی ریمانڈ پر جیل بھیج دیا تھا ۔