نواز شریف کا وطن واپسی سے قبل عرب ممالک کے دوروں کا امکان

مسلم لیگ ن کے قائد نواز شریف کا وطن واپسی سے پہلے مشرق وسطی کے تین ممالک کے دوروں کا امکان ہے۔

پارٹی ذرائع کے مطابق نواز شریف پاکستان آنے سے پہلے سعودی عرب، یو اے ای اور قطر کا دورہ کر سکتے ہیں۔

نواز شریف کے مذکورہ ممالک کے دوروں کے انتظامات کیے جارہے ہیں، مریم نواز سمیت متعدد اہم لیگی رہنما ان کے ہمراہ ہوں گے۔

نواز شریف پاکستان میں اربوں ڈالر کی سرمایہ کاری کے معاملات کو آگے بڑھائیں گے۔

پارٹی ذرائع کا کہنا ہے کہ نواز شریف کے ان ممالک کے سربراہان کے ساتھ عرصہ دراز سے تعلقات ہیں اور نواز شریف کے وطن واپس پہنچتے ہی ان ممالک سے اچھی خبریں آنا شروع ہو جائیں گی۔