جی این این سوشل

پاکستان

نگران وزیراعظم انوار الحق کاکڑ نے گزشتہ رات عمرہ ادا کرنے کی سعادت حاصل کی

مسجد الحرام میں امت مسلمہ کی خوشحالی کے لیے دعا کی

پر شائع ہوا

کی طرف سے

نگران وزیراعظم انوار الحق کاکڑ نے گزشتہ رات عمرہ ادا کرنے کی سعادت حاصل کی
جی این این میڈیا: نمائندہ تصویر

اسلام آبا: نگران وزیراعظم انوار الحق کاکڑ نے گزشتہ رات عمرہ ادا کرنے کی سعادت حاصل کی۔

وزیراعظم آفس میڈیا ونگ کی جانب سے جاری بیان کے مطابق نگران وزیراعظم نے مسجد الحرام میں امت مسلمہ کی خوشحالی کے لیے دعا کی۔

انوار الحق کاکڑ نے خانہ کعبہ کے اندر نماز ادا کرنے کی سعادت بھی حاصل کی۔

تجارت

ملکی غذائی اجناس کی برآمدات میں 46.77 فیصد کا ریکارڈ اضافہ

مالی سال 24-2023 میں غذائی اجناس کی برآمدات 7 ارب 37 کروڑ ڈالر رہیں جبکہ سال 23-2022 میں برآمدات کا حجم 5 ارب ڈالر سے زائد تھا

پر شائع ہوا

ویب ڈیسک

کی طرف سے

ملکی غذائی اجناس کی برآمدات میں 46.77 فیصد کا ریکارڈ اضافہ

ایک سال کے دوران ملکی غذائی اجناس کی برآمدات میں 46.77 فیصد کا اضافہ ریکارڈ کیا گیا۔

ادارہ شماریات کے مطابق مالی سال 24-2023 میں غذائی اجناس کی برآمدات 7 ارب 37 کروڑ ڈالر رہیں، سال 23-2022 میں غذائی اجناس کی برآمدات کا حجم 5 ارب ڈالر سے زائد تھا۔

اعداد و شمار کے مطابق جون میں غذائی اجناس کی برآمدات میں سالانہ 41.51 فیصد اضافہ ریکارڈ ہوا، جون میں غذائی اجناس کی برآمدات کا حجم 54 کروڑ 39 لاکھ ڈالر رہا، گزشتہ سال جون میں غذائی اجناس کی برآمدات 35 کروڑ 92 لاکھ ڈالر تھیں۔

ادارہ شماریات کے اعداد و شمار کے مطابق ایک سال میں غذائی اجناس کی برآمدات میں چاول سر فہرست رہے، ایک سال کے دوران چاول کی برآمدات میں 82.94 فیصد اضافہ ریکارڈ، 60 لاکھ 18 ہزار میٹرک ٹن چاول کی برآمدات کی گئیں، مالی سال 24-2023 میں چاول کی برآمدات کا حجم 3 ارب 93 کروڑ ڈالر رہا۔

اسی طرح جون میں چاول کی برآمدات میں 106.19 فیصد کا اضافہ ریکارڈ ہوا، 4 لاکھ 25 ہزار میٹرک ٹن چاول بیرون ملک برآمد کیے گئے، جون میں چاول کی برآمدات کا حجم 30 کروڑ 37 لاکھ ڈالر ریکارڈ کیا گیا۔ گزشتہ سال جون میں چاول کی برآمدات کا حجم 14 کروڑ 73 لاکھ ڈالر تھا۔

ایک سال کے دوران 9 لاکھ 35 ہزار ٹن پھل برآمدات کیے گئے، مالی سال 24-2023 میں پھلوں کی برآمدات میں 21.31 فیصد اضافہ ریکارڈ ہوا جبکہ 24-2023 میں 12 لاکھ 61 ہزار میٹرک ٹن سبزیاں بھی ایکسپورٹ کی گئیں، سبزیوں کی برآمدات میں 43.20 فیصد اضافہ ہوا۔

ادارہ شماریات کے مطابق ایک سال کے دوران 33 ہزار میٹرک ٹن سے زائد چینی برآمد کی گئی، پاکستان نے ایک سال میں 2 لاکھ 48 ہزار ٹن خشک میوہ جات برآمدات کیا، مالی سال 24-2023 میں خشک میوہ جات کی برآمدات میں 117.18 فیصد اضافہ ریکارڈ ہوا۔

پڑھنا جاری رکھیں

تجارت

 پاکستان سٹاک ایکسچینج میں شدید مندی کا سلسلہ برقرار

نڈرڈ انڈیکس 80 ہزار پوائنٹس کی سطح نے بھی نیچے آ گیا

پر شائع ہوا

ویب ڈیسک

کی طرف سے

 پاکستان سٹاک ایکسچینج میں شدید مندی کا سلسلہ برقرار

 پاکستان سٹاک ایکسچینج میں شدید مندی کا سلسلہ برقرار ہے۔

کاروباری ہفتے کے پہلے روز ٹریڈنگ کے آغاز پر سٹاک مارکیٹ میں کمی سے ہنڈرڈ انڈیکس 80 ہزار پوائنٹس کی سطح نے بھی نیچے آ گیا۔

پاکستان سٹاک ایکسچینج میں 1062 پوائنٹس کی بڑی کمی سے 100 انڈیکس 79 ہزار 055 پوائنٹس کی سطح پر ٹریڈ کر رہا ہے۔

واضح رہے کہ گزشتہ کاروباری ہفتے کے آخری روز سٹاک ایکسچینج میں کاروبار کے آغاز پر ہی منفی رجحان دیکھا گیا، تاہم ٹریڈنگ کے اختتام پر 1722 پوائنٹس کی کمی کے ساتھ 100 انڈیکس 80 ہزار 116 پوائنٹس کی سطح پر بند ہوا تھا۔

چیس سیکیورٹیز کے ڈائریکٹر ریسرچ یوسف ایم فاروق نے بتایا تھا کہ ملک میں بڑھتے ہوئے سیاسی بے یقینی کے سبب مارکیٹ میں کمی ہوئی۔

یاد رہے کہ 13 جولائی کو عالمی مالیاتی فنڈز (آئی ایم ایف) کے ساتھ اسٹاف کی سطح کا معاہدہ ہونے کے بعد اسٹاک مارکیٹ میں تیزی کا رجحان رہا اور 15 جولائی کو کے ایس ای-100 انڈیکس 1211 پوائنٹس اضافے کے بعد 81 ہزار کی نئی بلند ترین سطح پر پہنچ گیا تھا۔

دوسری جانب انٹربینک میں امریکی کرنسی کی قدر میں اضافہ ہوا ہے۔ کاروباری ہفتے کے پہلے روز انٹربینک میں امریکی کرنسی کی قیمت میں 7 پیسے کا اضافہ دیکھنے میں آیا ہے جس کے ساتھ انٹربینک میں ڈالر 278 روپے 20 پیسے پر ٹریڈ ہو رہا ہے۔

پڑھنا جاری رکھیں

دنیا

اسرائیلی فوج نے غزہ پر وحشیانہ حملے تیز ، ایک ہی دن میں 64 سے زائد فلسطینی شہید

7 اکتوبر 2023 سے اب تک کم از کم 38 ہزار 983 فلسطینی شہید ہو چکے ہیں جن میں زیادہ تر خواتین اور بچے شامل ہیں

پر شائع ہوا

ویب ڈیسک

کی طرف سے

اسرائیلی فوج نے غزہ پر وحشیانہ حملے تیز ، ایک ہی دن میں  64 سے زائد  فلسطینی شہید

اسرائیلی فوج نے غزہ پر وحشیانہ حملے تیز کر دیئے، ایک ہی دن میں 64 سے زائد فلسطینی شہید اور 100 سے زائد زخمی ہو گئے۔

غیر ملکی خبر رساں اداروں کی ایک رپورٹ میں غزہ کی وزارت صحت نے کہا کہ بہت سے متاثرین اب بھی ملبے تلے دبے ہوئے ہیں۔ سول ڈیفنس کے اہلکار ان تک پہنچنے سے قاصر ہیں، 7 اکتوبر 2023 سے اب تک کم از کم 38 ہزار 983 فلسطینی شہید ہو چکے ہیں جن میں زیادہ تر خواتین اور بچے شامل ہیں، جب کہ زخمیوں کی تعداد 89 ہزار 727 سے تجاوز کر چکی ہے۔

حالیہ دنوں میں اسرائیلی فوج نے نصرت پناہ گزین کیمپوں کو نشانہ بنایا ہے۔ بے گھر ہونے والے غزہ کے رہائشی تیمور ابرکان، جو دیر البلاح میں ہیں، نے کہا، "ہم نے نصرت کیمپ میں دھماکوں کی آوازیں سنی اور دیر البلاح میں یہاں سے دھواں اٹھتے دیکھا"۔ ہمیں ڈرایا جا رہا ہے کہ یہاں بھی ٹینک آ کر تباہی کر سکتے ہیں۔

انہوں نے سوال اٹھایا کہ اب وہ کہاں جائیں؟ پورا غزہ آگ کی لپیٹ میں ہے اور انہیں جنگل میں ہرنوں کی طرح شکار کیا جا رہا ہے، جنگ کب ختم ہوگی؟

اسرائیلی فورسز نے غزہ کے جنوبی شہر رفح میں بھی اپنی جارحیت جاری رکھتے ہوئے ساحلی پٹی کے وسط میں ان علاقوں پر حملہ کیا جہاں ہزاروں بے گھر فلسطینی پناہ کی تلاش میں ہیں۔

پڑھنا جاری رکھیں

ٹرینڈنگ

Take a poll