پاکستان کی خصوصی عدالتوں میں چار جج تعینات

اسلام آباد: وزارت قانون و انصاف کی جانب سے ملک کی مختلف خصوصی عدالتوں میں 4 ججز تعینات کر دیے گئے۔

تفصیلات کے مطابق وزارت قانون نے مختلف خصوصی عدالتوں میں چار ججز کی تعیناتی کا نوٹیفکیشن جاری کر دیا ہے، نوٹیفکیشن میں کہا گیا کہ ڈسٹرکٹ اینڈ سیشن جج امجد علی شاہ کو سپیشل جج سنٹرل راولپنڈی تعینات کر دیا گیا ہے۔

نوٹیفکیشن کے مطابق ڈسٹرکٹ اینڈ سیشن جج محمد نعیم شیخ کو سپیشل جج سنٹرل گوجرانوالہ تعینات کر دیا گیا ہے۔

ڈسٹرکٹ اینڈ سیشن جج رانا زاہد اقبال کو سپیشل جج سنٹرل فیصل آباد اور ڈسٹرکٹ اینڈ سیشن جج تنویر احمد شیخ کو سپیشل جج سنٹرل لاہور تعینات کر دیا گیا ہے۔

وزارت قانون کی جانب سے ڈیپوٹیشن پر ججز تعینات کیے گئے ہیں۔