عالمی شہرت یافتہ گلوکارہ ریحانہ نے بھی بھارتی کسانوں کے حق میں آوازاٹھا دی

تفصیلات کے مطابق   امریکی گلوکارہ  ریحانہ  نے سماجی رابطے کی ویب سائٹ ٹوئٹر پر بھارت میں کسانوں پر تشددسے متعلق مضمون کو ٹویٹ کرتے ہوئے نے لکھا کہ "  ہم اس بارے میں بات کیوں نہیں کر رہے؟" ۔ اس کے ساتھ ہی انھوں نے کسانوں کے احتجاج کا ہیش ٹیگ بھی استعمال کیا ۔ 32سالہ گلوکارہ نے  اپنی ٹویٹ میں  دنیا کی توجہ بھارت  میں جاری اس احتجاج اور اس میں موجود مظاہرین کی انٹرنیٹ تک رسائی محدود کیے جانے کی طرف دلوائی  ہے۔

why aren’t we talking about this?! #FarmersProtest https://t.co/obmIlXhK9S

— Rihanna (@rihanna) February 2, 2021

امریکی گلوکارہ کے  ٹویٹ کے بعدالاقوامی سطح پر معروف  ماحولیاتی کارکن گریٹا تھونبرگ  بھی کسانوں کی حمایت کرتی نظر آئیں اور انہوں نے بھی پیغام شئیر کیا ۔

We stand in solidarity with the #FarmersProtest in India.
https://t.co/tqvR0oHgo0

— Greta Thunberg (@GretaThunberg) February 2, 2021

واضح  رہے کہ ریحانہ کے ٹوئٹر پر 10 کروڑ سے زیادہ فالورز ہیں اور   امریکی گلوکارہ ریحانہ کی جانب سے  بھارت میں جاری کسانوں کے احتجاج سے متعلق  یہ ٹویٹ نہ صرف ٹرینڈ کررہی ہے  بلکہ  دنیا بھر سے صارفین کی جانب سے بھارتی پالیسیوں  پرردعمل کابھی اظہار کیا جارہا ہے ۔

31جنوری کو  بھارت نے نئی   دہلی کے تین سرحدی علاقوں میں انٹرنیٹ سروسزمعطل کردی تھیں، کسان مظاہرین نے  ایک روزہ بھوک ہڑتال    کا اعلان کیا تھا جس  کے دوران جھڑپوں میں  ایک شخص ہلاک جبکہ متعدد زخمی ہوگئے تھے ۔

اس سے قبل بھارت کے  یوم جمہوریہ کے موقع پر دہلی کی سرحد پر ہزاروں ناراض  کسانوں نے احتجاج ریکارڈ کروایا تھا ۔ بھارتی یوم جمہوریہ کے دن  پرتشدد احتجاج کے دوران کچھ عناصر نے  لال قلعے پر خالصتان تحریک کا پرچم لہرا دیا تھا جہاں ان  جھڑپوں  میں ایک شخص ہلاک اور سیکڑوں زخمی ہو گئے تھے۔

خیال رہے کہ مودی حکومت کے زرعی قوانین کے خلاف کسان دو ماہ سے زائد عرصے سے  احتجاج کر رہے ہیں۔  مسئلے کے حل کے لیے کسان رہنماؤں اور حکومت کے درمیان مذاکرات  تاحال11ادوار  ناکام ہو چکے ہیں، حکومت نے ان قوانین کو 18 ماہ کے لیے مؤخر کرنے کی پیشکش کی تھی  لیکن کسانوں  کا کہنا ہے کہ وہ اس قانون میں تبدیلی سے کم کسی بھی چیز پر احتجاج ختم نہیں کریں گے۔

واضح  رہے کہ  بھارت میں زرعی اصلاحات کے قانون کی ستمبر میں منظوری دی گئی  اور اس وقت سے کسان دہلی کی سرحدوں پر دھرنا دیے بیٹھے ہیں  ۔مودی سرکار  نے کسانوں کا جلوس روکنے کے لیے سپریم کورٹ سے بھی رابطہ کیا، لیکن بھارتی چیف جسٹس  بینچ نے اسے پولیس معاملہ قرار دےدیا۔ بھارتی وزیراعظم نریندر مودی  اس  متنازع  قانون کو  زراعت کے شعبے میں  لاکھوں کسانوں کوبااختیار بنانے   کے لیے ضروری سرمایہ کاری  اور جدت پسندی کی حوصلہ افزائی قرار دے چکے ہیں جبکہ اپوزیشن جماعت کانگریس کسانوں کی حمایت کرتی نظر آتی ہے ۔