سعودی عرب کا 6نئے ممالک کےلیے"ای وزٹ ویزا"سہولت فراہم کرنے کا اعلان

سعودی عرب کی وزارت سیاحت نے سینٹ کٹس اینڈ نیوس کے علاوہ چھ نئے ممالک ترکیہ، تھائی لینڈ، ماریشس، سیشلز اور پانامہ کو الیکٹرانک وزٹ ویزہ دینے کا فیصلہ کر لیا۔

سماجی رابطے کی ویب سائٹ ایکس پر کہا کہ ان ممالک کی قومیت کے حامل افراد مملکت کے وزٹ ویزا کے لیے ای ویزہ کی درخواست دے سکتے ہیں۔ ان ممالک کے شہری زمینی، فضائی یا سمندری راہ داریوں سے مملکت کے وزٹ ویزے پر آسکتے ہیں۔

The Kingdom welcomes the world by expanding and streamlining the E-visa issuance to six new countries, allowing for electronic issuance or at Kingdom entry points, to provide an unforgettable travel experience. pic.twitter.com/SBdUI6yULI

— وزارة السياحة (@Saudi_MT) October 17, 2023

وزارت سیاحت کے مطابق وزٹ ویزا کاروبار کے علاوہ سیاحت، عمرہ کی ادائی، اور رشتہ داروں اور دوستوں سے ملنے کا بہترین موقع ہے۔

یہ اقدام مملکت کی سیاحت کی حکمت عملی اور وژن 2030 کے مطابق سیاحت کے شعبے کی عوامی خواہشات کے مطابق ہے اس اقدام نے مقامی پیداوار میں اس شعبے کی شراکت کو 3 فی صد سے بڑھا کر 10 فی صد سے زیادہ کرنے کا ہدف شامل ہے۔