آئین بینظیر بھٹو کی قربانیوں کے نتیجے میں بحال ہوا تھا ، بلاول بھٹو زرداری

پاکستان پیپلز پارٹی کے چیئرمین بلاول بھٹو زرداری نے کہا ہے کہ ملک کا آئین کارساز کے شہداء اور شہید محترمہ بینظیر بھٹو کی قربانیوں کے نتیجے میں بحال ہوا تھا، کوئی اور بولے یا نہ بولے، لیکن وہ عوام کے حقوق کے لیے آواز اٹھاتے رہیں گے، پاکستان کو درپیش معاشی چیلنجز کا حل سبز معاشی انقلاب کو قرار دیتے ہوئے کہا کہ اگر آئندہ عام انتخابات میں عوام نے ان کی جماعت کو مینڈیٹ دیا تو ملک میں ایک نئے معاشی کاریڈور منصوبہ کا آغاز کیا جائے گا۔

میڈیا سیل بلاول ہاوَس کی جانب سے جاری کردہ بیان کے مطابق سانحہ کارساز کی 16 ویں برسی کے حوالے سے منعقد تعزیتی اجتماع سے خطاب کرتے ہوئے انہوں نے اس المناک و خونریز واقعے کے شہداء کو خراج عقیدت پیش کیا اور کہا کہ دو سو کارکنان نے اپنی جانیں قربان کرکے ایک نئی تاریخ رقم کی۔

انہوں نے کہا کہ جب کارساز کے مقام پر بزدل دہشتگردوں نے پہلا دھماکا کیا تو وہاں موجود جیالوں نے اپنی جانیں بچانے کے لیے بھاگنے کی بجائے وہاں کھڑے ہوکر قیادت کی حفاظت کی۔ پاکستان کی تمام جماعتوں کو دیکھ لیں۔