نگران وزیر اعظم انوارلحق کا کڑ آج چینی صدر سے ملاقات کریں گے

نگران وزیرِ اعظم انوار الحق کاکڑ آج چین کے صدر شی جن پنگ سے ملاقات کرینگے۔انوار الحق کاکڑ کی کاروباری شخصیات اور چینی کمپنیوں کے نمائندوں سے بھی ملاقات شیڈول ہے ۔

وزیرِ اعظم چین کی کمیونسٹ پارٹی کے وزیر برائے بین الاقوامی ڈیپارٹمنٹ سے بھی ملاقات کرینگے، اس کے بعد دورہ چین کے دوسرے مرحلے میں انوار الحق کاکڑ ارومچی کیلئے روانہ ہونگے۔

وزیراعظم انوار الحق کاکڑ آج بیجنگ میں چینی صدر شی جن پنگ سے ملاقات میں دو طرفہ تعلقات کے تمام پہلوں پر تبادلہ خیال کریں گے۔

چینی تاجروں اور کمپنیوں کے نمائندے بھی وزیراعظم سے ملاقات کریں گے۔

بعد ازاں نگران وزیراعظم پاکستان انوارلحق کاکڑ  اپنے دورہ ارمچی کے لیے روانہ ہوں گے۔