ملک کے بیشتر علاقوں میں آج بارش کا امکان

محکمہ موسمیات کے مطابق وفاقی دارالحکومت اسلام آباد میں مطلع ابرآلودرہنے کے علاوہ بارش کا امکان ہے۔جبکہ بالائی /وسطی پنجاب میں آج مطلع ابرآ لود رہے گا۔ پنجاب کے علاقے خطہ پوٹھو ہار ، میانوالی، فیصل آباد، جھنگ،سرگودھا، ساہیوال ،اوکاڑہ ،ملتان ،لاہور،بھکر، لیہ اور گوجرانوالہ میں بارش کا امکان ہے۔ صوبہ خیبر پختونخواء کے بیشتر اضلاع میں بھی آج مطلع جزوی ابر آلود رہے گا۔

محکمہ موسمیات  نے مری اور گلیات میں ہلکی برف باری کا امکان ظاہر کیا ہے۔ چترال، دیر، سوات، مالاکنڈ، پشاور، کوہاٹ، مردان ، چارسدہ، مانسہرہ،صوابی، بنوں ، سوات ،کرم اور ڈیرہ اسماعیل خان میں ہلکی بارش اورپہاڑوں پر برفباری کا امکان ہے۔

کشمیر اور گلگت بلتستان میں چند مقامات پر بارش اور برفباری کا امکان ہے۔دوسری جانب صوبہ سندھ اور بلوچستان کے بیشتر علاقوں میں موسم سرد اور خشک رہے گا۔محکمہ موسمیات  ژوب میں ہلکی بارش کا امکان ہے۔