ورلڈ کپ: پاکستان اور آسٹریلیا آج مدمقابل ہوں گے

بنگلورو: انٹرنیشنل کرکٹ کونسل (آئی سی سی) ورلڈ کپ 2023 میں پاکستانی ٹیم آج (جمعہ) آسٹریلیا سے ٹکرائے گی تاہم قومی ٹیم کو اہم میچ سے قبل انجری مسائل کا سامنا ہے۔

تفصیلات کے مطابق پاکستان اور آسٹریلیا کا میچ ایم چناسوامی اسٹیڈیم بنگلورو میں دوپہر ڈیڑھ بجے کھیلا جائے گا۔

پاکستانی کھلاڑی اب بھی انجری کے مسائل سے دوچار ہیں۔ اوپننگ بلے باز فخر زمان ابھی تک گھٹنے کی انجری میں مبتلا ہیں اور ان کا علاج جاری ہے اس لیے وہ آج کے میچ کے لیے دستیاب نہیں ہوں گے۔

سلمان علی آغا بھی بخار میں مبتلا ہیں تاہم پاکستان کرکٹ بورڈ (پی سی بی) نے کہا ہے کہ وہ تیزی سے صحت یاب ہو رہے ہیں۔

آسٹریلیا کے خلاف پاکستانی ٹیم میں ایک تبدیلی کا امکان ہے۔ بتایا جا رہا ہے کہ اسامہ میر کو شاداب خان کی جگہ لیا جا سکتا ہے جو ٹیم کے نائب کپتان ہیں۔

بابر اعظم، عبداللہ شفیق، فخر زمان، امام الحق، سعود شکیل، سلمان علی آغا، افتخار احمد، محمد نواز، شاداب خان، محمد حارث ، محمد رضوان، ابرار احمد، حارث رؤف، حسن علی، محمد وسیم جونیئر، شاہین شاہ آفریدی، اسامہ میر اور زمان خان۔

آسٹریلیا
پیٹ کمنز، ڈیوڈ وارنر، مارنس لیبوشگن، اسٹیو اسمتھ، ٹریوس ہیڈ، کیمرون گرین، گلین میکسویل، مارکس اسٹوئنس، مچل مارش، شان ایبٹ، ایلکس کیری، جوش انگلیس، ایڈم زمپا، جوش ہیزل ووڈ اور مچل اسٹارک۔

پاکستان اور آسٹریلیا ایونٹ میں تین تین میچ کھیل چکے ہیں۔ پاکستان نے دو میچ جیتے اور ایک میچ ہارا، اس لیے وہ پوائنٹس ٹیبل پر چار پوائنٹس کے ساتھ چوتھے نمبر پر ہے۔