حکومت حج اسکیم کے لیے فی کس 1.1 ملین روپے وصول کرے گی

اسلام آباد: حکومت نے سرکاری حج اسکیم کے تحت فی کس 11 لاکھ روپے وصول کرنے کا فیصلہ کیا ہے۔

تفصیلات کے مطابق حج پالیسی 2024 منظوری کے لیے وفاقی کابینہ کو ارسال کر دی گئی ہے اور ڈالر کا بوجھ کم کرنے کے لیے کفالت سکیم آئندہ سال بھی جاری رکھنے کا فیصلہ کیا گیا ہے۔

آئندہ حج پر 28 ملین ڈالر خرچ ہوں گے اور اسپانسر شپ سکیم کے تحت 10 ہزار عازمین حج کر سکیں گے۔

اسپانسر شپ اسکیم میں حج اخراجات کی رقم ڈالر میں وصول کی جائے گی جبکہ 2024 کے حج کے لیے پاکستان کا حج کوٹہ 179,210 ہے۔