ملک کے مختلف شہروں میں موسم سرد اور مطلع جزوی ابرآلود رہے گا،محکمہ موسمیات

ویب ڈیسک: اسلام آباد سمیت ملک کے مختلف شہروں میں موسم سرد اور مطلع جزوی ابرآلود رہے گا ،جبکہ بعض شہروں میں بارش اور برفباری کا امکان ہے۔

محکمہ موسمیات کے مطابق مری، گلیات اور گرد ونواح میں موسم سرد رہے گا جبکہ لاہور،سیالکوٹ، نارووال، شیخوپورہ ،گوجرانوالہ اور گجرات میں اسموگ کا امکان ہے۔

اس کے علاوہ جہلم، فیصل آباد، جھنگ، ٹوبہ ٹیک سنگھ، بہاولنگر ، اوکاڑہ ، ساہیوال، ملتان، خانیوال، خانپور، کوٹ ادو، بہاولپور ، سکھر،روہڑی، شکارپور، کشمور،لاڑکانہ ، پشاور،صوابی، مردان، چارسدہ ،نوشہرہ اور ڈیرہ اسماعیل خان میں دھند متوقع ہے۔

اسی طرح چترال ،دیر ، کوہستان اور گلگت بلتستان میں چند مقامات پر بارش اور پہاڑوں پر برفباری کا امکان ہے ، آزادکشمیر میں موسم سرد اور مطلع جزوی ابر آلود رہے گا۔