جرمن کاغزہ کے شہریوں کےلئے 50 ملین یورو امداد کا اعلان

جرمن وزیر خارجہ اینالینا بیربوک نے جمعرات کو اردن کے دورے کے دوران اعلان کیا کہ غزہ کے شہریوں کو 50 ملین یورو کی اضافی امداد فراہم کرے گا۔

غیر ملکی خبر رساں ایجنسی کے مطابق جرمن وزارت خارجہ کا کہنا تھا کہ برلن بھی غزہ کی پٹی میں طبی ٹیمیں بھیجنے کی تیاری کر رہا ہے اردن دورے کا مقصد "مستقل یکجہتی کا اظہار اور فلسطینیوں کو امداد کی فراہمی کو یقینی بنانا ہے۔

بیئربوک نے اردن میں غزہ کے لیے مختص امدادی پیکج کا اعلان کیا۔ ان کا اس خطے میں اپنے دورے کا پہلا پڑاؤ تھا۔ اس میں لبنان اور اسرائیل بھی شامل ہوں گے اور ہفتے تک جاری رہیں گے۔

اپنا دورہ شروع کرنے سے پہلے بیربوک نے اسرائیل کے ساتھ جرمنی کی مستقل یکجہتی کا اعادہ کیا اور حماس کی طرف سے شہری آبادی کے خلاف جنگ مسلط کرانے کی مذمت کی۔

انہوں نے کہا کہ ہمارے لیے فلسطینیوں کو یہ سمجھانا ضروری ہے کہ ہم ان کے مصائب کو بھی دیکھتے ہیں‘انہوں نے غزہ میں لاکھوں بے گناہ لوگوں کی انسانی صورتحال کو تباہ کن قرار دیا۔

انہوں نے کہا کہ یہ ضروری ہے کہ بین الاقوامی امداد، خوراک، پانی اور طبی امداد غزہ کے لوگوں تک جلدی اور بغیر کسی رکاوٹ کے پہنچ جائے۔