اطلاعات و نشریات کے وزیر مرتضیٰ سولنگی کی برطانوی ہائی کمیشن کی سیاسی قونصلر سے ملاقات

اطلاعات و نشریات کے وزیر مرتضیٰ سولنگی نے کہا ہے کہ پاکستان برطانیہ کے ساتھ ذرائع ابلاغ کے شعبے میں تعاون کو فروغ دینے کا خواہشمند ہے۔

 وہ برطانیہ کے ہائی کمیشن کی سیاسی قونصلر Zoe Ware سے گفتگو کررہے تھے جنہوں نے آج(جمعہ) اسلام آباد میں ان سے ملاقات کی۔

 وزیر اطلاعات نے کہاکہ پاکستان برطانیہ کےساتھ اپنے تعلقات کو انتہائی اہمیت دیتا ہے۔

انہوں نے ذرائع ابلاغ میں تعاون، دوطرفہ روابط اور نفرت اور غلط معلومات کی روک تھام  کے امور پر تبادلہ خیال کیا۔

 وفاقی وزیر نے صحافیوں کی تربیت کےلئے برطانیہ کے ذرائع ابلاغ کے جدید نصاب سے مدد لینے کا عزم ظاہر کیا۔

 برطانوی ہائی کمیشن کی پولیٹیکل قونصلر نے پاکستان اور برطانیہ کے درمیان دوطرفہ تعاون کے فروغ کے لئے اپنے مکمل تعاون کا یقین دلایا۔