سعودی ولی عہد محمد بن سلمان کا اقوام متحدہ سے غزہ میں خوراک کی فراہمی کا مطالبہ

سعودی عرب کے ولی عہد شہزادہ محمد بن سلمان نے اقوام متحدہ پر زور دیا ہے کہ وہ غزہ میں محصور شہریوں تک طبی امداد، خوراک اور دیگر اشیائے ضروریہ پہنچانے کےلئے محفوظ انسانی امداد کی راہداریوں کی فراہمی میں اپنا کردار ادا کرے۔

 انہوں نے اقوام متحدہ کے سیکرٹری جنرل انتونیو گوتریس کے ساتھ ٹیلی فون پر گفتگو کرتے ہوئے کشیدگی کے خاتمے اور تشدد کو خطے میں پھیلنے سے روکنے کے لئے تمام ممکنہ کوششوں کی اہمیت پر زور دیا۔

 انہوں نے امن و استحکام کی بحالی کے لئے ساز گار ماحول پیدا کرنے کی ضرورت پر بھی زور دیا تاکہ فلسطینی عوام اپنے جائز حقوق حاصل کرسکیں۔