نواز شریف وطن واپسی کیلئے دبئی ائیرپورٹ پہنچ گئے، چار سال بعد وطن واپس پہنچیں گے

لاہور: پاکستان مسلم لیگ (ن) کے چیئرمین نواز شریف چار سال بعد آج (ہفتہ) وطن واپس پہنچیں گے۔

نواز شریف کے ساتھ پاکستان جانے والے لیگی کارکنوں کی بڑی تعداد بھی دبئی میں موجود ہے۔

تفصیلات کے مطابق سابق وزیراعظم کی پرواز دبئی کے وقت کے مطابق صبح 9 بجے روانہ ہوگی۔

نواز شریف سے فون پر گفتگو کے دوران ان کے بھائی شہباز شریف نے کہا کہ پاکستان آپ کے استقبال کے لیے تیار ہے، پاکستان کی تاریخ کا سب سے بڑا جلسہ مینار پاکستان پر ہوگا۔

نواز شریف آج وطن واپسی کے بعد مینار پاکستان لاہور پر مسلم لیگ ن کے اجلاس میں کارکنوں سے خطاب کریں گے۔

مسلم لیگ ن کے صدر شہباز شریف اور چیف آرگنائزر مریم نواز نے مینار پاکستان کا دورہ کیا اور جلسے کے انتظامات کا جائزہ لیا۔