پی آئی اے کی پرواز مسافروں کو سعودی عرب میں چھوڑ کر پاکستان کیلئے روانہ

تفصیلات کے مطابق مدینہ سے اسلام آباد آنیوالی پاکستان انٹرنیشنل  ائیرلائنز ( پی آئی اے)  کی پرواز 38 مسافروں کو سعودیہ میں چھوڑ کر پاکستان کیلئے روانہ ہوگئی۔پی کے 948 کے مسافروں کیجانب مدینہ ایئرپورٹ پر احتجاج کیا گیا۔38مسافروں کے پاس کورونا ٹیسٹ رپورٹ ہونے کے باوجود انھیں بورڈنگ پاس جاری نہیں کیا گیا۔

جی این این کے مطابق   کیو آر کوڈ کے باوجودانھیں سفر کی اجازت نہیں دی گئی۔مسافروں کا کہنا ہے کہ  ہم نے گاکا کی ہدایت کے مطابق کورونا ٹیسٹ کرائے جو پی آئی اے نے قبول نہیں کیا،عید کے موقع پر ہم گھر جانا چاہ رہے تھے ہمیں سوار ہونے نہیں دیا گیا۔

مسافروں نے پی آئی اے انتظامیہ سے مطالبہ کیا ہے کہ  ہمیں وطن بھجوانے کیلئے انتظامات کئے جائیں۔