فوجی عدالتوں میں سویلینزکا ٹرائل شروع کرد یا گیا

اسلام آبا د : فوجی عدالتوں میں سویلین کا ٹرائل شروع کردیا گیا ۔

میڈیا ذرائع کے مطابق وفاقی حکومت نے سپریم کورٹ کے 3 اگست کے حکم کے جواب میں تحریری جواب جمع کروایا ۔

ذرائع کے مطابق 102 افراد کو فوجی تنصیبات پر حملوں میں ملوث ہونے کے الزام میں حراست میں لیا گیا تھا ۔

وفاقی حکومت کی متفرق درخواست میں کہا گیا ہےکہ سپریم کورٹ کے 3 اگست کے حکم نامےکی روشنی میں عدالت کو ٹرائلزکے آغاز سے مطلع کیا جارہا ہے۔

فوجی تحویل میں لیے گئے  افراد کوپاکستان آرمی ایکٹ 1952 اورآفیشل سیکرٹ ایکٹ کے تحت گرفتارکیا گیا تھا، گرفتار افراد جی ایچ کیو راولپنڈی اور کورکمانڈر ہاؤس لاہورپر حملے میں ملوث ہیں۔

گرفتار افراد پی اے ایف بیس میانوالی، آئی ایس آئی سول لائنز فیصل آباد پرحملے میں بھی ملوث ہیں۔

سانحہ 9 مئی میں ملوث افراد کا ٹرائل شروع ہو گیا ہے ،وفاقی حکومت نے سپریم کورٹ کا اس معاملے سے آگاہ بھی کردیا ہے ۔

وفاقی حکومت نے سپریم کورٹ کے 3اگست کے حکم کے جواب میں تحریری جواب جمع کروایا،ذرائع#GNN #BreakingNews #NewsUpdates #GNN_Updates pic.twitter.com/AzyYIX5JVh

— GNN (@gnnhdofficial) October 22, 2023

ملزمان کے ٹرائل سپریم کورٹ کی کاروائی کے نتائج سے مشروط رہیں گے ، تاکہ جو ملزمان ملوث نہیں ہیں ان کو بری کیا جا سکے ۔