چیئرمین سینیٹ صادق سنجرانی بین الاقوامی سمپوزیم سے خطاب کریں گے

 چیئرمین سینیٹ محمد صادق سنجرانی منگل کو چین میںپڑوسی ممالک کے درمیان سفارتی تعلقات کو مستحکم بنانے کے بین الاقوامی سمپوزیم سے خطاب کریںگے۔

وہ صدرشی جن پنگ کی طرف سے تجویز کردہ ہمسایہ سفارتکاری میں چین کے دوستی، خلوص،باہمی فائدے اور جامعیت کے اصول کی دسویںسالگرہ کی یادگاری تقریب میں بطور مہمان خصوصی شرکت کریںگے۔

سمپوزیم میںچیئرمین سینیٹ کی موجودگی سے پاکستان اورچین کے درمیان دوستی،باہمی اعتماد اور باہمی مفاد ا ورتعاون کے تعلقات مزید مستحکم ہوںگے۔

سینیٹ کے چیئرمین اپنے چین کے ہم منصب سے ملاقات کے ساتھ ساتھ کان کنی شعبے سے وابستہ افراد اور ملاقاتوں کے علاوہ چین کی سرکاری کمپنیو ں کے سربراہان سے بھی ملاقاتیں کریںگے۔

یہ سمپوزیم سفارتی تعلقات کو فروغ دینے کااہم موقع ہے اور سینیٹ کے چیئرمین کی اس میں شمولیت پاکستان کے چین کے ساتھ تعلقات کومزیدبنانے کے عزم کامنہ بولتاثبوت ہے۔