پی سی بی کے حکام پی ایس ایل کے بقیہ میچ کیلئے متحدہ عر ب امارات پہنچ گئے

ذرائع کے مطابق  پاکستان کرکٹ بورڈ کے حکام پی ایس ایل کے بقیہ میچ کے لیے متحدہ عرب امارات پہنچ گئے  ہیں،  پی ایس ایل کے  میچز کو یقینی بنانے کے لئے کام شروع کر دیا گیا، پی سی بی کے عہدیدار ضروری اجازت کے منتظرہیں ۔

پی سی بی نے میچز کی میزبانی کے لئے ایمریٹس کرکٹ بورڈ سے رابطہ کیا تھا۔ایمریٹس کرکٹ بورڈ کو میزبانی کے لئے حکومت کی اجازت درکار ہے ۔

پی سی بی کے سی او او اور ڈائریکٹرانٹرنیشنل سمیت سات عہدیدار یو اے ای میں موجود ہیں۔

چند دن قبل پی ایس ایل سکس کے بقیہ میچز کراچی سے منقتل کرنے کا فیصلہ کیا گیا تھا۔ لیگ کے میچز متحدہ کروانے کا فیصلہ پی سی بی اور فرنچائز مالکان کے اجلاس میں کیا گیا تھا۔ اجلاس کے بعد پاکستان کرکٹ بورڈ نے امارات کرکٹ بورڈ کو لیگ کےحوالے سے خط لکھ تھا۔خط میں امارات کرکٹ بورڈ سے مجوزہ تاریخوں میں اسٹیڈیمز اور ہوٹلز کی دستیابی کے ساتھ ساتھ سیکیورٹی اور دیگر امور کے حوالے سے درخواست کی گئی تھی۔ اجلاس میں دبئی اور ابوظہبی میں سے کسی ایک وینیو پر لیگ کے میچز کروانے پر اتفاق ہوگیاتھا۔