این سی او سی کا خلیجی ممالک سے پاکستان آنے والے افراد کی کرونا رپورٹ پر ‏تحفظات کا اظہار

تفصیلات کے مطابق نیشنل کمانڈ اینڈ آپریشن سینٹر (این سی او سی ) نے خلیجی ممالک سے پاکستان آنے والے افراد کی کرونا رپورٹ پر ‏تحفظات کا اظہار کردیا ہے۔نیشنل کمانڈ اینڈ آپریشن سینٹرنے وزارت خارجہ اورداخلہ کوخط تحریرکردیا۔

این سی او سی کا خط میں کہنا ہے کہ سعودی عرب سمیت خلیجی ممالک سے لوگ منفی کرونا رپورٹس کےساتھ پاکستان ‏آرہےہیں، پاکستانی ائرپورٹس پردوبارہ ٹیسٹ کےدوران بعض مسافروں کےنتائج مثبت آئے ہیں ۔

این سی اوسی خط میں مزید کہا گیا ہے کہ  پچھلے پانچ دنوں میں ان ممالک سے آئے 63 لوگوں کا کرونا ٹیسٹ مثبت آیا ہے،  ان 63 میں سے 47 افراد متحدہ عرب امارات سے پاکستان آئے،خلیجی ممالک سے پاکستان آنیوالے مسافرقابل اعتبارلیبارٹریزسے ٹیسٹ کرا کرپاکستان ‏آئیں اور  وزارت خارجہ اس ضمن میں اقدامات کویقینی بنائے۔

دوسری جانب    سول ایوی ایشن کا مسافروں کی سہولت کے پیش نظراہم فیصلہ‎ ‎کرلیا ہے۔مسافروں کوکیوآرکوڈ والی تصدیقی کرونا ٹیسٹ رپورٹ کی لازمی موجودگی سے ‏استشنی دے دیا گیا ہے۔

‎ ‎ڈائریکٹرائرٹرانسپورٹ سی اے اے عرفان صابرنے استثنی پرمبنی نوٹیفکیشن جاری ‏کردیا۔

نوٹیفکیشن کے مطابق  ‎ ‎کرونا وائرس کے پھیلاؤکوروکنےکےلیے10 مئی کوجاری کردہ نوٹیفکیشن کی ‏دیگرہدایات پرعملدرآمد بدستورجاری رہے گا۔