بینکنگ محتسب پاکستان کی جانب سے صارفین کو 972.33 ملین روپے کا مالیاتی ریلیف فراہم

اسلام آباد: بینکنگ محتسب پاکستان نے رواں کیلنڈر سال کے پہلے نو مہینوں کے دوران 18,431 شکایات کا ازالہ کرکے بینکنگ صارفین کو 972.33 ملین روپے کا مالیاتی ریلیف فراہم کیا۔

یکم جنوری سے 30 ستمبر تک محتسب کو 21,852 شکایات موصول ہوئیں، جن میں پرائم منسٹر پورٹل سے 5,810 بھی شامل ہیں۔لوگوں کو دھوکہ دہی کی سرگرمیوں سے بچانے کے لیے جو آج کل بہت زیادہ ہیں، محتسب سراج الدین عزیز نے بینکنگ صارفین پر زور دیا کہ وہ اپنی ذاتی اور مالی اسناد کسی تیسرے شخص کو ظاہر نہ کریں۔

انہوں نے مزید کہا کہ مشکوک کالز موصول ہونے پر، وہ فوری طور پر اپنے بینک کی قریبی برانچ سے رجوع کریں یا بینک کی ہیلپ لائن پر رابطہ کریں۔