ورلڈ کپ 2023، پاکستان کا افغانستان کو جیت کےلئے 283 رنز کا ہدف

 آئی سی سی مینز کرکٹ ورلڈ کپ 2023 کے 22 ویں میچ میں پاکستان نے افغانستان کو جیت کیلئے 283 رنز کا ہدف دے دیا۔

بھارت کے شہر چنئی کے چدم برم سٹیڈیم میں ہونیوالے میچ میں پاکستان کے کپتان بابر اعظم نے افغانستان کیخلاف ٹاس جیت کر پہلے بیٹنگ کا فیصلہ کیا، پاکستان نے پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر282 رنز بنائے۔

جارحانہ آغاز کے بعد قومی ٹیم کی 56 رنز کے مجموعی سکور پر پہلی وکٹ گر گئی، اوپنر بلے باز امام الحق 17 رنز بنا کر عظمت اللہ کی گیند پر پویلین لوٹ گئے جبکہ شاہینوں کو دوسرا نقصان عبداللہ شفیق کی صورت میں اٹھانا پڑا، وہ 75 گیندوں پر 58 رنز بنا کر آؤٹ ہوئے۔

Two wickets in the final over - Afghanistan need 283 to get their second win of the tournament ?

Who's winning this?#CWC23 #PAKvAFG LIVE ▶️ https://t.co/xO8YXZYbUy pic.twitter.com/x8cCEMM40x

— ESPNcricinfo (@ESPNcricinfo) October 23, 2023

محمد رضوان بھی کوئی خاطر خواہ کارکردگی نہ دکھا سکے اور 8 رنز بنا کر نور احمد کی گیند پر چلتے بنے تاہم سعود شکیل بھی زیادہ دیر کریز پر نہ ٹھہر سکے اور 34 گیندوں پر 25 رنز بنا کر محمد نبی کا شکار ہو گئے۔

پاکستان کی پانچویں وکٹ 206 کے مجموعی سکور پر گری جب کپتان بابر اعظم ایک چھکے اور 4 چوکوں کی مدد سے 74 رنز بنا کر نور احمد کی گیند پر کیچ آؤٹ ہوگئے، جبکہ افتخار احمد 4 چھکوں اور 2 چوکوں کی مدد سے 40 رنز بناکر پویلین لوٹ گئے۔

افغانستان کی جانب سے نور احمد نے3، نوین الحق نے 2 جبکہ محمد نبی اور عظمت اللہ عمرزئی نے ایک ایک وکٹ حاصل کی۔

ورلڈکپ کے پوائنٹس ٹیبل کی بات کی جائے تو اس وقت پاکستان پانچویں پوزیشن جب کہ افغانستان 10ویں پوزیشن پر موجود ہے۔