آرمی چیف کی نیشنل یونیورسٹی آف سائنس اینڈ ٹیکنالوجی کے سالانہ کانووکیشن میں شرکت

پاک فوج کے شعبہ تعلقات عامہ آئی ایس پی آر کے مطابق آرمی چیف نے نمایاں پوزیشن حاصل کرنے والوں کو میڈلز سے نوازا اور گریجویٹس کو دلی مبارکباد دی۔ 

تقریب سے خطاب کرتے ہوئے آرمی چیف کا کہنا تھا کہ طلباء پر فرض ہے کہ وہ ملک کو درپیش چیلنجز اور ان کا حل تلاش کریں۔ نسٹ قوم کے بہترین معمار تیار کر رہی ہے۔

آئی ایس پی آر کے مطابق کانووکیشن ویک میں بیچلرز، ماسٹرز اور پی ایچ ڈی طلباء نے ڈگریاں حاصل کیں۔

آرمی چیف نے گریجویٹ ہونے والے طلباء والدین اور فیکلٹی کو مبارکباد دی۔

نیشنل یونیورسٹی آف سائنس اینڈ ٹیکنالوجی کا سالانہ کانووکیشن، آئی ایس پی آر#GNN #NewsUpdates #BreakingNews #GNN_Updates pic.twitter.com/lu4Ml8MpLR

— GNN (@gnnhdofficial) October 23, 2023

آرمی چیف نے تعلیم کے فروغ کےلیے نیشنل یونیورسٹی آف سائنس اینڈ ٹیکنالوجی کی تعریف کی۔

آئی ایس پی آر کے مطابق کانووکیشن میں 7 بنیادی مضامین میں 3500 سے زائد گریجویٹس کو ڈگریاں دی جارہی ہیں۔