امریکا میں بھارتی سفارتخانے کے باہر سکھوں کا احتجاج

امریکہ : امریکہ  میں سکھ برادری کی بڑی تعداد نے بھارتی سفارتخانے کے سامنے مودی حکومت کے مظالم کے خلاف اور اپنے لئے الگ وطن خالصتان کے قیام کی حمایت میں احتجاجی مظاہرہ کیا۔

امریکا کی مختلف ریاستوں سے آئے مرد و خواتین نے احتجاج میں شرکت کی، اس دوران سکھ کمیونٹی خالصتان کی حمایت میں نعرے لگاتے رہی۔

انہوں نے امریکی حکومت سے مطالبہ کیا کہ وہ بھارت میں مودی کی فسطائی حکومت کو بھارت میں سکھوں پر مظالم سے روکنے کیلئے دبائو ڈالے اور سکھوں کے لئے آزاد ریاست خالصتان کے قیام کی واضح حمایت کرے۔

مظاہرین نے خالصتان کے حامی سکھ رہنما ہردیپ سنگھ نجر جسے کینیڈا میں قتل کر دیا تھا ،کے اہل خانہ کو انصاف فراہم کرنے کا بھی مطالبہ کیا۔

مظاہرین کا کہنا تھا کہ کسی صورت بھی مودی سرکار کے ناپاک عزائم کو کامیاب نہیں ہونے دیں گے ۔