نوازشریف العزیزیہ کیس اور ایون فیلڈ ریفرنس میں پیشی کے لیے اسلام آباد ہائیکورٹ پہنچ گئے

سابق وزیراعظم نوازشریف العزیزیہ کیس اور ایون فیلڈ ریفرنس میں پیشی کے لیے اسلام آباد ہائیکورٹ پہنچ گئے ہیں۔

شہباز شریف، خواجہ آصف، سعد رفیق اور دیگر لیگی رہنما بھی اسلام آباد ہائی کورٹ پہنچ گئے۔

نوازشریف نے ایون فیلڈ، العزیزیہ ریفرنس میں اپیلیں بحال کرنے کی درخواستیں دائر کررکھی ہیں، ان کی درخواستوں پر سماعت کچھ دیر بعد ہوگی۔

نوازشریف آج اسلام آباد ہائیکورٹ کے سامنے بھی سرینڈرکریں گے۔

ہائیکورٹ نے نوازشریف کی آج تک حفاظتی ضمانت منظورکر رکھی ہے اور انہیں آج تک گرفتارکرنے سے روکنے کا حکم دے رکھا ہے۔ جب کہ نیب نے بھی ان کی حفاظتی ضمانت ملنے پر کوئی اعتراض نہیں کیا تھا۔