غزہ میں جنگ بندی کی فوری ضرورت ہے، روسی وزیرخارجہ

غزہ کی پٹی میں فلسطینی دھڑوں اور اسرائیل کے درمیان جنگ جاری ہے۔روس اس جنگ کو روکنے کے لیے مسلسل کوشش کر رہا ہے۔

روسی وزیر خارجہ سرگئی لاوروف نے زور دیا کہ جس چیز کی ضرورت ہے وہ غزہ میں جنگ بندی، انسانی ضروریات کو پورا کرنے، اور پھر ایک وسیع فریم ورک کے اندر ایک نیا امن میکانزم ہے۔

لاوروف نے اس بات پر بھی زور دیا کہ مشرق وسطیٰ میں موجودہ امریکی فوجی کمک اسرائیل اور حماس کے درمیان جنگ کو بڑھانے کا خطرہ ہے۔

انہوں نے تہران میں ایک علاقائی سفارتی اجلاس کے دوران امریکا کی طرف سے مشرق وسطیٰ میں جنگی جہاز بھیجنے پر بھی بات کی۔ انہوں نے کہا کہ جب بھی کوئی ملک ایسے ہی پیشگی اقدامات اٹھاتا ہے تواس سے تنازع کے پھیلنے کا خطرہ بڑھ جاتا ہے۔

گذشتہ ہفتے کے روز امریکی وزیر دفاع لائیڈ آسٹن نے مشرق وسطیٰ کے خطے میں محکمہ دفاع کی پوزیشن کو مضبوط بنانے کا اعلان کیا۔ اس طرح سے ڈیٹرنس کی کوششوں میں اضافہ ہوگا اور اسرائیل کو اپنے دفاع میں مدد ملے گی۔