خنجراب سے سوات تک کا خطہ سیاحت کی لامحدود صلاحیت رکھتا ہے،انوارلحق کاکڑ

اسلام آباد: وزیر اعظم انوار الحق کاکڑ نے منگل کو تاجر برادری اور چین کے اشتراک سے خنجراب پاس سے سوات تک خطے میں سیاحت کے شعبے کی ترقی کے امکانات کو بروئے کار لانے پر بات کی ۔

وہ پاکستان سروسز لمیٹڈ کے سی ای او مرتضیٰ ہاشوانی سے گفتگو کر رہے تھے جنہوں نے آج اسلام آباد میں ان سے ملاقات کی۔

وزیراعظم نے کہا کہ درہ خنجراب سے سوات تک کا خطہ سیاحت کی لامحدود صلاحیت رکھتا ہے۔

پبلک پرائیویٹ پارٹنرشپ کے ذریعے کاروباری سرگرمیوں کے لیے اچھی جگہوں پر سرکاری عمارتوں کے استعمال پر بات چیت ہوئی۔

مرتضیٰ ہاشوانی نے خصوصی سرمایہ کاری سہولت کونسل کے ذریعے ملک کی کاروباری برادری اور حکومت کے درمیان کاروباری شراکت کی تجویز پیش کی۔

انہوں نے ملک میں معاشی استحکام لانے کے لیے وزیراعظم کی کوششوں کو بھی سراہا۔