فلسطینوں کے خلاف جارحانہ پالیسیوں کے خلاف عالم اسلام پہلے دن سے قائم ہے، سعودی وزیر برائے اسلامی امور

سعودی وزیر برائے اسلامی امور شیخ عبدالطیف بن عبدالعزیز آل شیخ نے کہا ہے کہ فلسطینیوں کے خلاف جارحانہ پالیسیوں کی مذمت کرنا اور ان کے ساتھ کھڑے ہونے اور ان کے خلاف جارحانہ پالیسیوں کی مذمت کرنے کے اصولوں پر خلیجی تعاون کونسل پہلے دن سے قائم ہے۔

غیر ملکی خبر رساں ایجنسی کے مطابق مسقط میں خلیجی وزراکے اجلاس سے خطاب کرتے ہوئے شیخ عبدالطیف کا کہنا تھا کہ مملکت کے لیے مسئلہ فلسطین ایک اہم ایشو ہے۔ سعودی عرب فلسطینیوں اور ان کے تمام قانونی حقوق کی حمایت کرتا ہے۔ 

انہوں نے زور دے کر کہا مسئلہ فلسطین صرف فلسطینی عوام کا مسئلہ نہیں ہے۔ یہ ہم سب کا ایشو ہے۔ یہ پورے عالم عرب اور عالم اسلام کا مسئلہ ہے بلکہ پوری انسانیت کا مسئلہ ہے اس لیے ہماری یہ ذمہ داری ہے کہ ہم اس  کاز کو اپنے شعور میں حاضر رکھیں اپنی مذہبی گفتگوؤں میں بھی۔

خلیجی تعاون کونسل کے اجلاس سے خطاب میں شیخ عبداللطیف بن عبدالعزیز آل شیخ نے اجلاس کے ایجنڈے کے تناظر میں دیگر کئی امور پر بھی اظہار خیال کیا ۔ ان میں اپنے خاندانوں کے مذہبی اور اخلاقی امور کے تحفظ، خاندانی اقدارکا تحفظ و فروغ بھی شامل تھا۔ انہوں نے خلیجی ممالک میں عرب اقدار و ثقافت کے فروغ پر بھی زور دیا ۔