گوادر بندرگاہ چین پاکستان اقتصادی راہداری کا ایک اہم منصوبہ ہے، پورٹ حکام

گوادر بندرگاہ بیلٹ اینڈ روڈ کے سلسلے میں چین پاکستان اقتصادی راہداری کا ایک اہم منصوبہ ہے۔ ماہی گیروں کے ایک چھوٹے سے گائوں سے ایک جدید بندرگاہ تک گوادر بندرگاہ کی ترقی اور تبدیلیوں نے چین اور پاکستان کے لوگوں کی زندگیوں میں اہم کردار ادا کیا ہے ۔

گوادر پورٹ حکام کے مطابق دس سال کی تعمیر و ترقی کے بعد گوادر بندرگاہ مکمل سہولیات اور آسان نقل و حمل کے حامل ایک علاقائی لاجسٹک مرکز اور صنعتی اڈے میں تبدیل ہوگئی ہے۔

گوادر بندرگاہ کی تعمیر سے نہ صرف مقامی اقتصادی ترقی کو موثر انداز میں فروغ ملا ہے بلکہ بالواسطہ یا بلاواسطہ دو لاکھ سے زائد افراد کو روزگار بھی ملا ہے۔ چین کی طرف سے تعمیر کئے جانے والے بنیادی ڈھانچے کی ترقی سے مقامی برادریوں کو جو فوائد حاصل ہوئے ہیں وہ طویل مدتی اسٹریٹجک اہمیت کے حامل ہیں۔اس کی مثال چائنا پاکستان فرینڈشپ ہسپتال ہے۔

اس ہسپتال کے بعد لوگوں کو علاج کے لیے اب سیکڑوں کلومیٹر کے سفر کی ضرورت نہیں ہے کیوں کہ یہاں اعلی معیار کی طبی سہولیات میسر ہیں۔ اسی طرح چائنا پاکستان ووکیشنل اینڈ ٹیکنیکل کالج کے قیام سے مقامی افراد کو جدید ٹیکنالوجی اور ہنر سیکھنے کا موقع ملا ہے جس سے انہیں گوادر پورٹ اور فری زون میں روزگار مل سکے گا ۔ مقامی لوگ گوادر بندرگاہ کے روشن مستقبل کے بارے میں بہت پرامید ہیں ۔

گزشتہ ایک دہائی کے دوران چین پاکستان اقتصادی راہداری اور بیلٹ اینڈ روڈ انیشی ایٹو کے تناظر میں گوادر بندرگاہ میں حیران کن تبدیلیاں آئی ہیں۔ امن، خوشحالی اور ترقی کی دہائی ہوگی۔ گوادر بندرگاہ مکمل بنیادی ڈھانچے کے ساتھ عملی خدمات انجام دے رہی ہوگی اور چین کے تعاون سے تعمیر کردہ بنیادی ڈھانچے سے ارد گرد کے عام عوام مستفید ہوں گے ۔