قطری عدالت نے بھارتی بحریہ کے آٹھ سابق اہلکاروں کو سزائے موت سنادی

قطر کی ایک عدالت نے بھارتی بحریہ کے آٹھ سابق اہلکاروں کو سزائے موت سنائی ہے ۔

بھارتی وزارت خارجہ نے بھی ان خبروں کی تصدیق کی ہے ۔

واضح رہے کہ بھارتی بحریہ کے ان سابق اہلکاروں کو گزشتہ سال اسرائیل کیلئے قطر کی جاسوسی کرنے پر جیل بھیجا گیا تھا۔

بھارتی خفیہ ادارے مسلسل ان جاسوسوں کو معاونت فراہم کرتے رہے ہیں۔

بھارتی خفیہ اہلکار داہرا گلوبل ٹیکنالوجیز کمپنی میں چھوٹی آبدوزیں بنانے کے نہایت حساس منصوبے پرکام کررہے تھے۔بھارتی بحریہ کے جاسوسوں میں کپتان نیوٹیج سنگ  ، بائر ندرا کمارورما ، کمانڈرامیت ناگ پال، پرنیدو تیواری، سوراب سوگنکا ر  پکالہ ، سنجیو گپتا اور ملاح راجیش شامل ہیں۔

پوری دنیا کافی عرصہ سے بھارتی جاسوس کے نیٹ ورک پر تشویش کااظہار کررہی ہے ۔

قبل ازیں ایک بھارتی بحریہ کے حاضر سروس افسر کلبھوشن یادیو کو پاکستان میں دہشت گردی کو ہوا دینے پر رنگے ہاتھوں گرفتار کیاگیا تھا بھارت کی بیرون ملک دہشت گردانہ کارروائیاں پہلے ہی دنیا میں عیاں ہوچکی ہیں ۔

بھارتی خفیہ ایجنسیوں کے اجرتی قاتل کینیڈا، برطانیہ اوردیگر ممالک میں سکھ رہنماؤں کو قتل کرتے ہوئے رنگے ہاتھوں گرفتار کیئے گئے ہیں۔