ابتدائی حلقہ بندیوں پر الیکشن کمیشن میں اعتراضات جمع کروانےکاآج آخری روز

ابتدائی حلقہ بندیوں پر الیکشن کمیشن میں اعتراضات جمع کروانےکاآج آخری روز ہے

الیکشن کمیشن وقت کا دورانیہ بڑھاتے ہوئے کہا ہے کہ ابتدائی حلقہ بندیوں پر اعتراضات الیکشن کمیشن سیکرٹریٹ اسلام آباد آج کی رات 12 بجے تک جمع کرائے جا سکتے ہیں ۔

جمعہ کو ترجمان الیکشن کمیشن کی جانب سے جاری بیان کے مطابق ابتدائی حلقہ بندیوں پر اعتراضات الیکشن کمیشن آ ف پاکستان سیکرٹریٹ اسلام آباد میں جمع کرانے کی (آج ) جمعہ کو آخری تاریخ ہے ۔

اعتراضات سے متعلق الیکشن کمیشن نے ہدایت نامہ بھی جاری کر رکھا ہے، کوئی بھی امیدوار یا متعلقہ حلقے کا ووٹر اپنے اعتراضات جمع کرا سکتا ہے۔ 28 اکتوبر سے 26 نومبر تک الیکشن کمیشن جمع کرائے گئے اعتراضات کو نمٹائے گا اور حلقہ بندیوں کی حتمی اشاعت 30 نومبر کو کی جائے گی۔