پاکستان میں سونے کی فی تولہ قیمت میں 2000 روپے کا اضافہ

کراچی: پاکستان میں گزشتہ روز معمولی کمی کے بعد آج (ہفتہ کو) فی تولہ سونے کی قیمت میں اضافہ ہوگیا۔

آل پاکستان جیمز اینڈ جیولرز ایسوسی ایشن (اے پی جی جے اے) کے مطابق فی تولہ سونے کی قیمت میں 2000 روپے کا اضافہ ہوا ہے جس کے بعد پاکستان میں نئی قیمت 2 لاکھ 13 ہزار 300 روپے ہوگئی ہے۔

ایسوسی ایشن کے مطابق 10 گرام سونا 1714 روپے اضافے سے 1,82,870 روپے پر بند ہوا۔

جبکہ بین الاقوامی مارکیٹ میں سونے کی قیمت 20 ڈالر اضافے سے 2006 ڈالر فی اونس پر طے پائی۔