پی ٹی آئی رہنماکامران بنگش کو ڈیرہ اسماعیل خان پولیس کے حوالے کردیاگیا

پاکستان تحریکِ انصاف کے رہنما اور خیبر پختونخوا کے سابق صوبائی وزیر کامران بنگش کو پشاور سینٹرل جیل سے ڈی آئی خان منتقل کر دیا گیا۔

کامران بنگش کو ڈیرہ اسماعیل خان میں اداروں کے خلاف ہرزہ سرائی کا مقدمہ درج ہے جس کی وجہ سے تفتیش کےلئے پولیس کے حوالے کر دیا گیا۔

پولیس کے مطابق سابق وزیر کامران بنگش کو ڈی آئی خان پولیس نے تحویل میں لے لیا ہے۔ کامران بنگش کے خلاف تھانہ کینٹ ڈی آئی خان میں مقدمہ درج ہے۔

کامران بنگش پر کارکنوں کو اسلحہ لانے، اُکسانے اور اداروں کے خلاف بیانات کا الزام ہے۔ پولیس کے مطابق کامران بنگش کی ڈی آئی خان پولیس کو حوالگی عدالت کی اجازت سے ہوئی ہے۔

واضح رہے کہ کامران بنگش کو چند روز قبل پولیس پر فائنرنگ کے الزام میں پشاور پولیس نے گرفتار کیا تھا۔