ایف بی آر کے محاصل میں جاری مالی سال کی پہلی سہ ماہی میں سالانہ بنیاد پر 25فیصد ہوا،اعداد و شمار

اسلام آباد: فیڈرل بورڈ آف ریونیو (ایف بی آر)کے محاصل میں جاری مالی سال کی پہلی سہ ماہی کے دوران سالانہ بنیاد پر 25فیصد نمو ریکارڈکی گئی ہے۔

ایف بی آر کے اعدادوشمار کے مطابق مالی سال کی پہلی سہ ماہی میں 2042 ارب روپے کے محاصل موصول ہوئے جو گزشتہ مالی سال کی اسی مدت کےمقابلے میں 25 فیصد زیادہ ہیں، گزشتہ مالی سال کی اسی مدت میں ایف بی آر کو 1634 ارب روپے کے محاصل موصول ہوئے تھے۔

پہلی سہ ماہی میں براہ راست ٹیکسوں کی مدت میں ایف بی آر کو 935 ارب روپے موصول ہوئے جو گزشتہ مالی سال کی اسی مدت کے مقابلے میں 37 فیصد زیادہ ہیں، گزشتہ مالی سال کی اسی مدت میں براہ راست ٹیکسوں کی مد میں ایف بی آر کو 683 ارب روپے موصول ہوئے تھے۔

بلاواسطہ ٹیکسوں کی مدت میں ایف بی آر کو مالی سال کی پہلی سہ ماہی میں 1107 ارب روپے موصول ہوئے جو گزشتہ مالی سال کی اسی مدت میں کے مقابلے میں 16 فیصد زیادہیں، گزشتہ مالی سال کی پہلی سہ ماہی میں بلاواسطہ ٹیکسوں کی مد میں ایف بی آر کو 951 ارب روپے موصول ہوئےتھے۔