57فیصد صارفین پر گیس کی قیمتوں میں اضافے کا کوئی اثر نہیں پڑے گا ،وزیر توانائی محمد علی

توانائی اورپٹرولیم کے نگران وزیرمحمدعلی نے کہا ہے کہ گیس کی قیمتوں میں اضافے کافیصلہ وسیع ترقومی مفادمیں کیاگیاہے۔

وزیراطلاعات ونشریات مرتضیٰ سولنگی کے ہمراہ آج اسلام آبادمیں پریس کانفرنس سے خطاب کرتے ہوئے انہوں نے کہا کہ اس فیصلے سے گیس کے 57فیصدصارفین پرکوئی اثرنہیں پڑے گا۔

انہوں نے کہا کہ مڈل کلاس کے 36فیصدصارفین کوگیس کے استعمال پرہی ادائیگی کرناہوگی۔

صرف سات فیصدامیرطبقے کوزیادہ نرخ دیناہوں گے۔

وزیرتوانائی نے کہا کہ حکومت گیس کے گھریلوشعبے کو139ارب روپے کی سبسڈی دے رہی ہے جب کہ یوریااورکھادکے شعبے میں 45ارب روپے کی سبسڈی دی جارہی ہے۔

انہوں نے واضح طورپرکہا کہ تندروں کے گیس ٹیرف میں کوئی اضافہ نہیں کیاگیا۔