مہلت ختم: غیر قانونی مقیم غیر ملکیوں کیخلاف گرینڈ آپریشن کی تیاریاں مکمل

اسلام آباد: غیر قانونی غیر ملکیوں کو پاکستان چھوڑنے کی مہلت ختم ہو گئی، آج سے پاکستان میں غیر قانونی طور پر مقیم غیر ملکیوں کے خلاف قانون حرکت میں آئے گا۔

ڈیڈ لائن کے آخری روز 21 ہزار افغان شہری طورخم کے راستے افغانستان چلے گئے، پاکستان میں غیر قانونی موجود غیر ملکیوں کیخلاف گرینڈ آپریشن کی تیاریاں کر لی گئیں، حکام نے انخلا کے انتظامات بھی مکمل کر لیے، اب تک ایک لاکھ 4 ہزار 481 افغان پناہ گزین واپس جا چکے ہیں۔