وائس چیئرمین پی ٹی آئی شاہ محمودقریشی کی اڈیالہ جیل میں طبیعت خراب

سابق وزیر خارجہ شاہ محمود قریشی کی جیل میں طبیعت خراب ہوجانے کی بناء پر آفیشل سیکرٹ ایکٹ عدالت نے انہیں جیل سے پمز اسپتال منتقل کرنے کی اجازت دے دی۔

واضح رہے کہ سفارتی سائفر گمشدگی کیس میں گرفتار شاہ محمود قریشی اڈیالہ جیل میں قید ہیں۔

آفیشل سیکریٹ ایکٹ کی خصوصی عدالت کے جج ابوالحسنات ذوالقرنین نے جیل انتظامیہ کی درخواست پر شاہ محمود کی اسپتال منتقلی کی اجازت دی۔

جیل انتظامیہ کی جانب سے درخواست کی گئی تھی کہ شاہ محمود کی طبیعت کافی خراب اور اور ڈاکٹرز دے ایڈوائز کیا ہے کہ انہیں پمز ہسپتال منتقل کیا جائے تاکہ ان کے ٹیسٹ کرائے جائیں، اس لیے انہیں پمزمنتقل کرنے کی اجازت دی جائے۔