بحرین کا اسرائیل کے ساتھ اقتصادی تعلقات معطل کرنے کا اعلان

بحرین نے غزہ پر ڈھائے جارہے مظالم کے خلاف اسرائیلی سفیر کو طلب کیا اور اسرائیل سے اقتصادی تعلقات معطل کر دیئے۔

غیر ملکی خبر رساں ایجنسی کے مطابق بحرین کا کہنا ہے کہ اس نے اسرائیل سے اپنے سفیر کو واپس بلا لیا ہے اور اس کے ساتھ تمام اقتصادی تعلقات منقطع کر دیئے ہیں۔

ایک بیان میں خلیجی ریاست کی پارلیمنٹ نے کہا کہ یہ اقدام فلسطینی کاز اور فلسطینی عوام کے جائز حقوق کی حمایت میں اٹھائے گئے اقدامات کا حصہ ہیں۔ بحرین نے 2020 میں اسرائیل کے ساتھ سفارتی تعلقات قائم کئے تھے 

یہ اعلان اردن کے اقدام کے ایک دن بعد سامنے آیا ہے جب اردن نے کہا تھا کہ اس نے اسرائیل کے حملوں کے درمیان تباہی کے خلاف احتجاج کے لیے اسرائیل سے اپنے سفیر کو بھی واپس بلا لیا ہے۔

واضع رہے کہ بولیویا نے اس ہفتے غزہ جنگ پر اسرائیل کے ساتھ باضابطہ تعلقات منقطع کیے جبکہ  چلی اور کولمبیا نے بھی تل ابیب سے اپنے سفیروں کو مشاورت کے لیے واپس بلا لیا۔