کیسکو کی بجلی چوروں کے خلاف کاروائیاں ،کروڑوں کی رقم وصول

وزارت توانائی(پاور ڈویژن) کی خصوصی ہدایات پر کوئٹہ الیکٹرک سپلائی کمپنی(کیسکو)کی ٹیمیں صوبہ بھرمیں نادہندگان کیخلاف بلاتفریق کاروائیاں جاری ہیں، اس سلسلے میں نادہندگان کے خلاف ہفتہ کے روز کارروائی عمل میں لائی گئی اس دوران کوئٹہ شہر میں جناح ٹائون، لیاقت بازار،مشرقی بائی پاس،سیٹیلائیٹ ٹاؤن،کوئٹہ ایونیو، سریاب روڈ،ہزار گنجی اور کچلاک کے علاقوں میں 102شنٹ و ٹیپمرڈ میٹرز اُتاردئیے گئے۔اس کے علاوہ دشت کے علاقہ میں 2نادہندگان کے ٹرانسفارمرز اور 88 کنکشنز بھی بلوں کی عدم ادائیگی پر اتار دیئے گئے۔

کارروائی کے دوران نادہندگان سے بقایاجات کی مدمیں 73 لاکھ روپے جبکہ ڈیٹیکشن کی مدمیں 21 لاکھ روپے بھی وصول کرلئے گئے۔لورالائی سرکل کی مختلف ٹیموں نے کارروائی کے دوران بلوں کی عدم ادائیگی پرنادہندگان کے 49 کنکشنز منقطع کر نے کے علاوہ زیارت سے 2غیر قانونی ٹرانسفارمرز اتاردیئے، نادہندگان سے بقایاجات کی مدمیں 32 لاکھ روپے کی ریکوری جبکہ ڈیٹیکشن کی مدمیں 3 لاکھ40 ہزارروپے وصول کر لئے گئے۔

خضدار سرکل کی ٹیموں نے کارروائی کرتے ہوئے مختلف علاقوں میں نادہندگان کے79 کنکشنزعدم ادائیگی پر منقطع کردیئے گئے ،اس دوران نادہندگان سے بقایاجات کی مدمیں 24 لاکھ روپے کی ریکوری اور ڈیٹیکشن کی مدمیں 3 لاکھ 10ہزارروپے بھی وصول کئے گئے۔ پشین سرکل نے کارروائی میں 83نادہندہ صارفین کے کنکشنزعدم ادائیگی پر منقطع کردئیے جبکہ نادہندگان سے بقایاجات کی مدمیں 40لاکھ روپے ریکوری کے علاوہ3 لاکھ50 ہزارروپے ڈٹیکشن کی مدمیں وصول کرلئےگئے۔

سبی سرکل کی ٹیموں نے کارروائی کے دوران مختلف علاقوں سے نادہندگان کے59 کنکشنز بلوں کی عدم ادائیگی پر منقطع کردئیے جبکہ نادہندگان سے بقایاجات کی مدمیں 32لاکھ روپے کی ریکوری اور ڈیٹیکشن کی مدمیں ایک لاکھ 80 ہزارروپے وصول کر لئے گئے۔اسی طرح مکران سرکل میں کارروائی کے دوران38 نادہندگان کے کنکشنزعدم ادائیگی پر منقطع کے علاوہ نادہندگان سے بقایاجات کی مدمیں 21 لاکھ روپے کی ریکوری جبکہ ڈٹیکشن کی مدمیں 85ہزار روپے بھی وصول کر لیئے گئ۔