سونے کی فی تولہ قیمت میں مسلسل دوسرے روز بھی بڑا اضافہ

سونے کی عالمی اور مقامی مارکیٹوں میں قیمتوں میں آج پھر بڑا اضافہ ہوگیا، جس کے بعد سونے کے نرخ ایک بار پھر بلند ترین سطح پر پہنچ گئے۔

سونے کی فی تولہ قیمت 2500 روپے بڑھ کر 2 لاکھ 75 ہزار 500 روپے تک پہنچ گئی ہے۔

اسی طرح 10گرام سونا 2144 روپے اضافے کے بعد 2 لاکھ 36 ہزار 197 روپے کا ہو گیا۔

واضح رہے کہ 20 ستمبر کو پاکستان میں سونے کی فی تولہ قیمت میں مزید 3 ہزار 500 اور 10 گرام سونے کی قیمت میں 3 ہزار روپے کا اضافہ ہوا تھا جس کے بعد ملک میں سونے کی قیمت بلند ترین سطح پر پہنچ گئی تھیں۔

یاد رہے کہ رواں سال یکم جنوری کو فی تولہ سونے کی قیمت 2 لاکھ 19 ہزار 700 روپے اور 10 گرام سونے کی قیمت ایک لاکھ 88 ہزار 357 روپے تھی جب کہ اس وقت عالمی مارکیٹ میں سونے کی فی اونس قیمت 2 ہزار 82 ڈالر تھی۔

بین الاقوامی بلین مارکیٹ میں فی اونس سونے کی قیمت 25 ڈالر بڑھ کر 2653 ڈالر کی ریکارڈ سطح پر جاپہنچے۔