بانی چیئرمین پی ٹی آئی کا سپریم کورٹ کے سینئر ترین جج جسٹس منصور علی شاہ کی مکمل حمایت کا اعلان

بانی چیئرمین پی ٹی آئی و سابق وزیراعظم عمران خان نے حکومت سے مطالبہ کیا ہے کہ اگلے چیف جسٹس کی تقرری کا اعلان جلد کیا جائے۔

اڈیالہ جیل میں صحافیوں سے غیر رسمی گفتگو کرتے ہوئے عمران خان کا کہنا تھا سپریم کورٹ کے سینئر ترین جج جسٹس منصور علی شاہ کی مکمل حمایت کرتے ہیں۔سپریم کورٹ میں کل سے جو ہو رہا ہے، سب کو پتہ چل گیا ہے یہ کیا کر رہے ہیں،

بانی چیئرمین کا کہنا تھا کہ یہاں سارے فیصلے لکھے ہوئے آتے ہیں، ججز آ کر سنا دیتے ہیں، یہ چاہتے ہیں کہ سپریم کورٹ اور ہائیکورٹ کے ججز بھی تابع ہو جائیں، ہائیکورٹ کے ججز پر دبائو ڈالا جا رہا ہے، حکومت ساری عدلیہ کو تباہ کرنے پر لگی ہوئی ہے، الیکشن فراڈ کو کور کرنے کے لئے انہیں اپنے ججز چاہئیں۔

عمران خان نے مزید کہا کہ کل سے جو ہو رہا ہے، اِس سے واضح ہے کہ چیف جسٹس اور چیف الیکشن کمشنر ملے ہوئے ہیں، سپریم کورٹ اور معیشت سمیت پورا نظام ڈول رہا ہے، چیف الیکشن کمشنر کو پتہ ہے اس پر آرٹیکل 6 لگے گا، اسی لئے الیکشن فراڈ کو دبایا جارہا ہے۔

سابق وزیراعظم کا کہنا تھا کہ 8 فروری کے انتخابات کو پوری دنیا نے فراڈ الیکشن کہا، ایک مرتبہ بھی قاضی فائز عیسیٰ نے یہ نہیں کہا کہ ہماری خواتین اور کارکنان جو جیلوں میں ہیں ان کے ساتھ کیا ہو رہا ہے، 9 مئی واقعات میں انہوں نے آگ لگائی،جواب دیں سی سی ٹی وی فوٹیجز کہاں گئیں؟یہ چاہتے ہیں کہ پی ٹی آئی کسی بھی طرح سے اوپر نہ ائے۔

بانی چیئرمین پی ٹی آئی نے مزید کہا کہ ہمیں کوئی بھی جلسہ نہیں کرنے دیا جا رہا، چیف جسٹس کا یہ کام ہوتا ہے کہ وہ بنیادی حقوق کا تحفظ کرے، گرمیوں کا جلسہ بھی کیا کبھی چھ بجے ختم ہوتا ہے ۔راولپنڈی میں جلسے کی اجازت نہ دی گئی تو احتجاج کریں گے۔

سابق وزیر اعظم نے کہا کہ سب سے زیادہ دھاندلی زدہ الیکشن کی تعریف چیف جسٹس کرتا ہے، اِن کا مقصد یہ ہے کہ فراڈ سامنے نہ آ جائے اور پی ٹی آئی اوپر نہ آ جائے، پی ٹی آئی کے ڈر سے سپریم کورٹ اور جمہوریت کو تباہ کیا جا رہا ہے۔

انہوں نے مزید کہا کہ آئینی عدالت کا مقصد چیف جسٹس کی پاور کو ختم کرنا ہے، سپریم کورٹ کے چیف جسٹس کی پاور کو ختم کر کے قاضی فائز عیسیٰ کو آئینی کورٹ میں بٹھانا چاہتے ہیں، قاضی فائز عیسیٰ آئینی ترامیم کا بینفشری ہے، وہ انصاف ہونے نہیں دے رہا، اِس نے ہمارا انتخابی نشان تک لے لیا تھا۔

انہوں نے کہا کہ ہمیں کوئی بھی جلسہ نہیں کرنے دیا جا رہا،