اسرائیلی وزیر کی جانب سے غزہ پر ایٹمی حملہ کرنے بارے بیان قبول نہیں، امریکا

امریکا نے اسرائیلی وزیربرائے قومی ورثہ ایمچے ایلیاہو کی جانب سے غزہ پر ایٹمی حملہ کرنے بارے بیان کو ناقابل قبول قرار دیتے ہوئے مطالبہ کیا ہے کہ تمام فریقین نفرت انگیز بیان بازی سے گریز کریں۔

غیر ملکی خبر رساں ایجنسی کے مطابق امریکی محکمہ خارجہ کے ترجمان ویدانت پٹیل نے کہا ہے کہ اسرائیلی وزیر اعظم بینجمن نیتن یاہو اور اسرائیلی حکومت نے ان تبصروں کو مسترد کر دیا ہے جنہیں ہم نے بھی مکمل طور پر ناقابل قبول قرار دیا ہے۔

انہوں نے کہا کہ ہم سمجھتے ہیں کہ اس تنازعہ کے تمام فریقین کے لیے ضروری ہے کہ وہ نفرت انگیز بیان سے گریز کریں جس کی وجہ سے کشیدگی میں اضافہ ہو سکتا ہے۔

ایمچے ایلیاہو کےبیان نے سعودی عرب سمیت عرب دنیا میں بھی غم و غصے کو جنم دیا۔ سعودی عرب نے ایمچے ایلیاہو کو برطرف نہ کرنے پر نیتن یاہو کی حکومت پر تنقید کا بھی نشانہ بنایا ہے۔