سڈنی واقعہ : حملہ آور باپ نے بھارتی اور بیٹے نے آسٹریلوی پاسپورٹ پر فلپائن کا دورہ کیا، حکام کی تصدیق

منیلا: فلپائن کی حکومت نے تصدیق کی ہے کہ آسٹریلوی شہر بونڈی بیچ کے حملہ آوروں نے نومبر میں فلپائن کا دورہ کیا۔

غیر ملکی میڈیا رپورٹس کے مطابق فلپائنی امیگریشن حکام کا کہنا ہے کہ بونڈی بیچ کے حملہ آور بھارتی شہری کی حیثیت سے فلپائن پہنچے تھے۔ حملہ آور باپ اور بیٹے نے گزشتہ ماہ بھارتی پاسپورٹ پر فلپائن کا سفر کیا۔

اس حوالے سے مزید بتایا گیا ہے کہ 50 سالہ ساجد اکرم اور 24 سالہ نوید اکرم یکم نومبر کو سڈنی سے فلپائن پہنچے اور دونوں باپ بیٹے 28 نومبر کو فلپائن سے واپس چلے گئے۔

غیرملکی میڈیا کے مطابق آسٹریلوی پولیس پہلے ہی کہہ چکی ہے کہ دونوں حملہ آور گزشتہ ماہ فلپائن گئے تھے، آسٹریلوی پولیس حملہ آوروں کے فلپائن کے سفر کا مقصد جاننے کے لیے تحقیقات کر رہی ہے۔

واضح رہے کہ اتوار کو سڈنی میں پیش آنے والے اس دہشت گرد حملے میں15  افراد ہلاک اور 30 سے زائد زخمی ہوئے تھے جس نے عالمی سطح پر شدید تشویش کی لہر دوڑا دی ہے۔